Loyola nag-una sa Shell Active Chess
Updated September 01, 2008 12:00 AM
Naglawig si Venacio Lequin Loyola Jr. human siya mikulit og 6.5 nga perfect score sulod sa pito ka round sa gipahigayon nga 16th Shell National Youth Active Chess Championship, Junior Division didto sa SM City, Iloilo City.
Laing nipakita og nindot nga labok sa Juniors Division sa maong chess tournament mao sila si Brylle John Arellano, Kevin Mirano, Argie Noblesa ug Jajji Ricablanca nga mirehistro og kuwatro puntos matag usa.
Sa laing bahin, si Denver Ruaya mikulit og kuwatro puntos aron pangulohan ang Kiddies Division, uban ni Ruaya mao sila si Jerich Cajeras, Dune Acosta, Daist Rhea Familliaran, Camille Puentes ug Ronel Bryle Alsagon.
Ang mga mugawas nga kampiyon sa nagpadayong torneyo makadawat og P5000 alang sa Juniors og P4000 alang sa Kiddies Division. Ang maong torneyo gipasiugdahan sa Pilipinas Shell uban sa ilang Tournament Director nga sila si Alexander Dinoy ug National Master Cesar Mariano. (Lemuel P. Maglinte)
No comments:
Post a Comment